Благовещение 07.04.2016

10.04.2016

---

Тропáрь, глас 4

Днесь спасéния нáшего глави́зна/ и éже от вéка тáинства явлéние:/ Сын Бóжий Сын Дéвы бывáет,/ и Гаврии́л благодáть благовеству́ет./ Тéмже и мы с ним Богорóдице возопии́м:/ рáдуйся, Благодáтная,// Госпóдь с Тобóю.

Кондáк, глас 8

Взбрáнной Воевóде победи́тельная,/ я́ко избáвльшеся от злых,/ благодáрственная воспису́ем Ти, раби́ Твои́, Богорóдице,/ но, я́ко иму́щая держáву непобеди́мую,/ от вся́ких нас бед свободи́, да зовéм Ти:// рáдуйся, Невéсто Неневéстная.

Величáние

Архáнгельский глас/ вопиéм Ти, Чи́стая:/ рáдуйся,/ Благодáтная,// Госпóдь с Тобóю.

---